Achegamento á obra máis profusa e documentada sobre a vida de Castelao en banda deseñada, a cargo de Inacio (guión) e Iván Suárez (debuxo). A selección recolle as mellores páxinas dos catro volumes da obra, incluído un «como se fixo» con bosquexos, orixinais a tinta, páxinas de guión e documentación usada no proceso creativo.
Mostra que acolle seis exposicións individuais
Un percorrido pola obra de seis creadores de diversas xeracións cuxas carreiras profesionais conflúen nunha simbiose entre a música e a banda deseñada. Xéneros como o punk, o heavy, o black metal, o rockabilly ou os ritmos latinos influencian estes artistas en portadas, carteis, historietas e unha morea de materiais que enriquecen esta mostra sen precedentes.
Músico e ilustrador, ten realizado carteis de concertos, portadas de discos e cómics, para publicacións como Madriz ou en libros como Tío Budo (2014) ou El cóndor y la caníbal (2024).
Carlos Azagra traballou en El Jueves durante 30 anos; entre as súas obras monográficas está Historias del punk (2024). Encarna Revuelta é colorista da obra de Azagra e doutros artistas, como Ivà.
Ten publicados cómics para adultos (como El corazón de los árboles, 2009; Heavy – 1986, 2016, ou Heavy – Los chicos están mal, 2017) e infantís (como El mundo de Miki, 2019, ou Mi vecino es un vampiro, 2023).
A súa obra Primavera para Madrid (2020) foi gañadora do Premio Nacional do Cómic. O seu libro Black metal (2025) está baseado en sucesos ocorridos en Noruega relacionados co mundo do rock.
O segundo volume da súa BD autoeditada Cols, «Una noche en el infierno» (2021), foi galardoado co premio ao mellor fanzine en Comic Barcelona.
Músico e debuxante de cómics, ilustrador e tatuador profesional, entre os seus libros están Tierra muerta (2020) e Los últimos caballos (2025).
Exposición con máis dun cento de orixinais de Quino con ligazón directa coa música, un dos temas clave do seu universo gráfico. Inclúe páxinas e viñetas de humor, cunha sección dedicada a Mafalda.
Comisariada por Judith Gociol e Guillermo Lavado. Producida para o festival Còmic Nostrum. Coa colaboración do Ajuntament de Palma.
Homenaxe a Astro-Rato, a obra de Fermín Solís que en 2025 chega ao seu sétimo volume e leva fascinados xa milleiros de lectores. Un clásico da banda deseñada infantil. A mostra complétase cunha programación de obradoiros para público infantil (Viñetas Mini) no propio espazo expositivo durante a semana do 11 ao 17 de agosto.
Premio Castelao de Banda Deseñada 2024 na modalidade xeral coa obra Adelina.
Premio Castelao de Banda Deseñada 2024 na modalidade infantil e xuvenil coa obra A raíña cadáver.
Rubén Rial, autor do cartel oficial de Viñetas 2025, recolle unha escolma cincuenta pranchas de banda deseñada e ilustración de xénero histórico, ámbito no que é un auténtico especialista. Con obras inspiradas na vida de Picasso na Coruña, a historia da bandeira galega ou a biografía de María Casares, entre outras.
Selección e gañadores do concurso de fanzines organizado por Autobán, que chega por segundo ano ao Viñetas coas mellores publicacións independentes de BD e contido gráfico do panorama estatal, dispoñibles na mostra para a súa consulta e lectura.
Na Biblioteca de Estudos Locais
O recoñecido autor canadiano Dave Cooper, referencia da BD underground americana, ofrécenos unha mostra de obras orixinais e dixitais nunca antes exhibidas en España, que inclúe pranchas das súas novelas gráficas Muérdete la lengua, Escombros e L’architecte, xunto a bosquexos e ilustracións para diversos proxectos ou contidos audiovisuais, como o videoclip de animación realizado para Danko Jones. Unha ocasión única de admirar a súa arte persoal e única en estilo.
El mundo sin fin é unha BD do autor francés Cristophe Blain, en colaboración con Jean-Marc Jancovici, que convida a reflexionar sobre a relación humana co medio ambiente e co cambio climático, dentro da actual corrente de «cómic verde». Blain, autor de Isaac el Pirata, Gus ou Quai d’Orsay, é un dos nomes fundamentais da BD francófona dos últimos anos.
Coa colaboración de Alliance Française.
Exposición bibliográfica de banda deseñada e novela gráfica.
Joana Afonso, Ricardo Baptista, André Caetano, Raquel Costa, Nuno F. Cancelinha, Diogo Carvalho, Francisco Ferreira, Sónia Mota, Sofia Neto, Carla Rodrigues
Colectiva cunha escolma de historietas autoconclusivas dun dos fanzines portugueses máis premiados, que amosa a boa saúde actual do panorama da BD do país veciño. Mellor publicación independente no festival Amadora BD, e Mellor publicación independente e Mellor obra curta (Diogo Carvalho) no Troféu Central Comics de Portugal.
Paula Esteban reúne nesta mostra dúas das súas paixóns —a arte e a cociña—, a través de bosquexos, páxinas de cómic, ilustracións e deseños de personaxes con inspiración na gastronomía. Unha exposición que encaixa dentro do programa Viñetas Ñam.
Permanente con máis de cen obras orixinais de autores internacionais (como Stan Sakai, Sergio Aragonés, Charles Berberian, Émile Bravo, Arthur de Pins, Luis Royo etc.) cun motivo común: o polbo. Mostra vencellada á sección gastronómica do festival, Viñetas Ñam.
Vinte pezas desta BD biográfica de Alex Orbe, onde nos conta a súa relación coa música a través dalgúns dos grandes concertos de rock que presenciou durante a súa vida. Especialmente pensada para melómanos.
BIBLIOTECAS MUNICIPAIS ÁGORA, CASTRILLÓN, DURÁN LORIGA, MONTE ALTO, OS ROSALES, SAGRADA FAMILIA
Mostra con seis exposicións bibliográficas de banda deseñada e novela gráfica.
