O músico, tatuador, ilustrador e debuxante de cómics valenciano abrirá a programación cun concerto moi especial en formato «one man band» con repertorio das súas bandas Tumba Swing e Aullido Atómico.

Película sobre a vida de Quino, que inclúe a última e inédita entrevista que concedeu antes do seu falecemento e que conta con testemuños de Serrat, Miguel Rep, Jorge Valdano... e do seu sobriño Guillermo Lavado.

Coprodución arxentino-española de 2025, dirixida por Mariano Donoso e Federico Cardone. Cor, 75 min

Programa de entrevistas en directo cos autores invitados Magius, Fermín Solís e Don Rogelio J. Presentado por Neves Rodríguez e con interludios musicais de David L. H.

Neves Rodríguez é comunicadora e actriz. Codirixiu o programa radiofónico Metrópoles delirantes, centrado na banda deseñada, e codirixe o festival FunFunFun.

David L. H. tocou durante case dúas décadas en bandas de HC e punk, e despois emprendeu o seu proxecto en solitario, no que gravou tres EP, influenciado polo country e o blues da primeira metade do século XX.

Hombre Tigre é unha banda de Cáceres formada por Fermín Solís (historietista e escritor), Carlos Rubio, Rubén Cebrián e Emilio Pérez. Ofrecen pop electrónico moi bailable e desenfadado, que contrasta co nihilismo das súas letras. Cualificados como «techno escuro, lo-fi lírico e oitenteiro», a súa música ten «ecos de Coppini e Corcobado con letras intelixentes sobre excelentes bases electrónicas e baixo rotundo» (Alfonso Domínguez Vinagre).

Anabel Colazo é unha autora de BD eivisenca; participou nos premiados fanzines Nimio e Paranoidland, e publicou, entre outros, os libros Encuentros cercanos, No mires atrás e Espada.

Raquel Montero é unha ilustradora galega. O seu fanzine Así somos e así nos relacionamos obtivo unha mención do xurado na ExpoFanzines 2024. Posteriormente autopublicou tamén o conto gráfico Agnes.

En colaboración con Autobán

As irmáns Cábez, autoras convidadas este ano, regálannos unha sesión DJ de clásicos (e non tan clásicos) para desfrutar dunha das grandes noites do Viñetas 2025.

Sala Mardi Gras (Trav. da Torre, 8, 15002 A Coruña)

Figura imprescindible da música popular española desde os anos oitenta, Víctor Coyote ten transitado por xéneros tan diversos como o rock, a música latina, a rumba ou o spoken word, sempre cunha personalidade inconfundible. Desde os seus inicios con Los Coyotes ata a súa traxectoria en solitario, construíu unha obra marcada pola hibridación estilística, a narrativa visual e un compromiso constante co periférico e o mestizo. Este concerto especial celebra a súa dobre faceta como músico e autor de banda deseñada, dúas disciplinas que soubo entrelazar ao longo da súa carreira.